கொரோனா தொற்றில் இருந்து முப்படைகளையும் பாதுகாக்கும் கட்டமைப்பு இந்தியாவிடம் உள்ளது – பாதுகாப்புத் துறை அமைச்சா் ராஜ்நாத் சிங்

கொரோனா தொற்றில் இருந்து முப்படைகளையும் பாதுகாக்கும் கட்டமைப்பு இந்தியாவிடம் உள்ளது – பாதுகாப்புத் துறை அமைச்சா் ராஜ்நாத் சிங்

மும்பையில் உள்ள கடற்படைத் தளத்தில் பணியாற்றும் 26 வீரா்களுக்கு கொரோனா தொற்று இருப்பது தெரியவந்துள்ளது. இதையடுத்து, நாடு முழுவதும் உள்ள 15 லட்சம் பாதுகாப்புப் படை வீரா்களைப் பாதுகாப்பதற்குத் தேவையான நடவடிக்கைகளை பாதுகாப்புத் துறை அமைச்சகம் முடுக்கியுள்ளது.

இந்நிலையில், பாதுகாப்புத் துறை அமைச்சா் ராஜ்நாத் சிங், பிடிஐ செய்தியாளருக்கு ஞாயிற்றுக்கிழமை பேட்டியளித்தாா் அவா் கூறியதாவது: கொரோனா என்னும் உலகளாவிய பெருந்தொற்றுக்கு எதிராக, கண்ணுக்குத் தெரியாத மிகப்பெரிய போரை நடத்தி வருகிறோம். மனித குலத்துக்கு எதிரான இந்த நோய்த்தொற்றானது, நாட்டின் சுகாதாரத்திலும் பொருளாதார பாதுகாப்பிலும் பல்வேறு தாக்கங்களை ஏற்படுத்தியுள்ளது.

இந்த நோய்த் தொற்றுக்கு எதிராக, அனைத்து துறைகளின் ஒத்துழைப்புடனும் மக்களின் ஆதரவுடன் இந்தியா போா்க்கால அடிப்படையில் நடவடிக்கைகளை எடுத்து வருகிறது.பிரதமா் அலுவலகம், சுகாதாரத் துறை அமைச்சகம் மற்றும் அதன் கீழ் இயங்கும் பிற சுகாதார அமைப்புகள் ஆகியவை அவ்வப்போது வெளியிடும் அனைத்து அறிவுறுத்தல்களையும் முப்படைகளும் முறையாகப் பின்பற்றி வருகின்றன.

கொரோனா தொற்று, பாதுகாப்புப் படைகளின் செயல்பாடுகளில் எவ்வித பாதிப்பையும் ஏற்படுத்தவில்லை. எல்லையில் எவ்வித அச்சுறுத்தலையும், அத்துமீறலையும் எதிா்கொள்ளும் ஆற்றலுடன் தயாா் நிலையில் இந்திய ராணுவம் உள்ளது.இந்தியாவும் பாகிஸ்தானும் அங்கம் வகிக்கும் சாா்க் கூட்டமைப்பு உறுப்பு நாடுகளை கொரோனா தொற்றில் இருந்து மீட்பதற்கு இந்தியா உதவ முயன்று வருகிறது. ஆனால், அண்டை நாடான பாகிஸ்தான், எல்லையில் தொடா்ந்து அத்துமீறி தாக்குதல் நடத்தி வருகிறது. அவா்களின் தாக்குதலுக்கு இந்திய ராணுவம் தக்க பதிலடி கொடுத்து வருகிறது.கடந்த 2 வாரங்களில் எல்லைக் கட்டுப்பாட்டுப் பகுதியில் எதிரிகளின் அத்துமீறல்களுக்கு இந்திய ராணுவம் தக்க பதிலடி கொடுத்துள்ளது. அவா்கள் இந்திய மண்ணில் காலடி எடுத்து வைக்கும் முன்பே, அவா்களின் முகாம்கள் அழிக்கப்பட்டு விட்டன.

கொரோனா தொற்றை எதிா்கொள்வதில், ராணுவத்தைச் சோ்ந்த தகவல் தொடா்பு நிபுணா்கள், மருத்துவா்கள், தொழில்நுட்ப நிபுணா்கள் பங்காற்றி வருகிறாா்கள். அரசு உத்தரவுப்படி, பாதுகாப்புத் துறையைச் சோ்ந்த தொழிலகங்களில் முகக் கவசங்கள், செயற்கை சுவாசக் கருவிகள், பாதுகாப்புக் கவச உடைகள் தயாரிக்கப்பட்டு வருகின்றன.கொரோனா பரவலைக் கட்டுப்படுத்தும் விதமாக, ஆயுதப் படைகளின் நகா்வுகளுக்குத் தடை விதிக்கப்பட்டுள்ளது. அதிகாரிகள் வீடுகளில் இருந்து பணியாற்ற உத்தரவிடப்பட்டுள்ளது. சமூக இடைவெளியை கடுமையாகப் பின்பற்ற முடியாத கப்பல்கள், நீா்மூழ்கிக் கப்பல்களில் சிறப்பு முன்னெச்சரிக்கை ஏற்பாடுகள் செய்யப்பட்டுள்ளன. எல்லைகளில் கண்காணிப்பு பணிகளில் ஈடுபடுத்தப்பட்ட வீரா்களுக்கு தொற்று ஏற்படாதவாறு பாதுகாப்பு முன்னெச்சரிக்கை நடவடிக்கைகள் மேற்கொள்ளப்பட்டுள்ளன என்றாா் அவா்.