ஜாதி அரசியலின் பெயரால், சமூக நல்லிணக்கத்தை சீர்குலைக்க சிலர் முயற்சிக்கின்றனர் – பிரதமர் மோடி
ஜாதி அரசியலின் பெயரால், சமூக நல்லிணக்கத்தை சீர்குலைக்க சிலர் முயற்சிக்கின்றனர். இதனை நாம் முறியடிக்க வேண்டும்.’ என பிரதமர் மோடி தெரிவித்துள்ளார்.
டெல்லியில் உள்ள பாரத் மண்டபத்தில் கிராமின் பாரத் மோட்சாவ் என்ற புதிய திட்டத்தை பிரதமர் மோடி இன்று தொடங்கி வைத்தார். கிராமப்புற வளர்ச்சி, கிராமப்புற கைவினைக் கலைஞர்களால் வடிவமைக்கப்படும் பொருட்களை சந்தைப்படுத்துதல், அவர்களுக்கு தேவையான நிதி உதவியை வழங்குதல் உள்ளிட்ட பல்வேறு நோக்கங்களுடன் இந்த திட்டம் தொடங்கப்பட்டது.
இந்நிலையில், இந்த நிகழ்ச்சியில் பேசிய பிரதமர் மோடி, சாதி அரசியல் பெயரில் சிலர் அமைதியை சீர்குலைக்க நினைக்கின்றனர் என்றார்.
இது தொடர்பாக அவர் கூறுகையில், வளர்ந்த இந்தியாவை உருவாக்க கிராமப்புற வளர்ச்சி முக்கியம். கிராமங்களின் செழிப்பு முக்கியமானது. இந்த நிகழ்வை ஏற்பாடு செய்ததற்காக நபார்டு (வேளாண்மை மற்றும் கிராமப்புற மேம்பாட்டுக்கான தேசிய வங்கி) மற்றும் பிற பங்களிப்பாளர்களை நன்றி.
2047ம் ஆண்டிற்குள் வளர்ந்த இந்தியாவை உருவாக்குவதற்கான நமது பயணம் வலுவடைந்துள்ளது. உலகம் இந்தியாவை பாராட்டி வருகிறது. ஜாதி அரசியலின் பெயரால், சமூக நல்லிணக்கத்தை சீர்குலைக்க சிலர் முயற்சிக்கின்றனர். இதனை நாம் முறியடிக்க வேண்டும்.
விவசாயிகளுக்கு ரூ.3 லட்சம் கோடி நிதி வழங்கப்பட்டுள்ளது. கடந்த 10 ஆண்டுகளில் விவசாயக் கடன்கள் 3.5 மடங்கு அதிகரித்துள்ளது. கிராமப்புற பெண்களுக்காக பல்வேறு திட்டங்கள் உருவாக்கப்பட்டுள்ளது. இந்தியா ஒரு தனித்துவமான அடையாளத்தை உருவாக்குகிறது.
கோவிட் தொற்றுநோய்களின் போது, இந்திய கிராமங்கள் எவ்வாறு நெருக்கடியைச் சமாளிக்கும் என்று உலக நாடுகள் நினைத்தது. ஆனால் ஒவ்வொரு கிராமத்திலும் உள்ள கடைசி நபருக்கு தடுப்பூசிகள் சென்றடைவதை நாங்கள் உறுதி செய்தோம்.
கிராமப்புறப் பொருளாதாரத்தை வலுப்படுத்த, சிறப்பான பொருளாதாரக் கொள்கைகள் தேவை. ஒவ்வொரு கிராமத்திலும் அடிப்படை வசதிகளை உறுதிப்படுத்தும் பிரசாரத்தை நாங்கள் தொடங்கி உள்ளோம். இவ்வாறு பிரதமர் மோடி பேசினார்.
Leave your comments here...