பிரதோஷம் மற்றும் கார்த்திகை பௌர்ணமி… சதுரகிரி சுந்தர மகாலிங்கம் கோயிலுக்கு பக்தர்கள் செல்ல 4 நாட்கள் அனுமதி..!
கார்த்திகை மாத பிரதோஷம் மற்றும் பௌர்ணமி வழிபாட்டை முன்னிட்டு டிசம்பர் 13ஆம் தேதி முதல் 16ம் தேதி வரை சதுரகிரி சுந்தர மகாலிங்கம் கோவிலுக்கு செல்ல பக்தர்களுக்கு அனுமதி வழங்கப்பட்டுள்ளது.
பிரசித்தி பெற்ற விருதுநகர் ஸ்ரீவில்லிபுத்தூர் சதுரகிரி சுந்தரமகாலிங்கம் கோவிலுக்கு செல்ல பக்தர்களுக்கு நான்கு நாட்கள் அனுமதி வழங்கப்பட்டுள்ளது.
விருதுநகர் மாவட்டம் வத்திராயிருப்பு அருகே மேற்கு தொடர்ச்சி மலைப்பகுதியில் அமைந்துள்ளது பிரசித்தி பெற்ற சதுரகிரி சுந்தர மகாலிங்கம் கோவில். சதுரகிரி சுந்தர மகாலிங்கம் கோவில் கடல் மட்டத்திலிருந்து சுமார் 4000 அடி உயரத்தில் அமைந்துள்ளது. இங்கு இன்றும் சித்தர்கள் அருவமாய் வாழ்ந்த வருவதாக நம்பப்படுகிறது. சதுரகிரி சுந்தர மகாலிங்கம் கோவிலுக்கு பௌர்ணமி மற்றும் பிரதோஷம் சிவராத்திரி உள்ளிட்ட சிறப்பு தினங்களில் மட்டுமே அனுமதி வழங்கப்பட்டு வருகிறது.
மேலும் மழை அறிவிப்புகள் இருந்தால் ரத்து செய்யப்படுவது குறிப்பிடத்தக்கது. வனத்துறை கட்டுப்பாட்டில் உள்ள சதுரகிரி மகாலிங்கம் கோவிலுக்கு தற்போது பக்தர்களுக்கு பல்வேறு கட்டுப்பாடுகளுடன் நான்கு நாட்கள் அனுமதி வழங்கப்பட்டுள்ளது.
தற்போது கார்த்திகை மாத பிரதோஷம் மற்றும் பௌர்ணமி வழிபாட்டிற்காக வருகின்ற டிசம்பர் 13ஆம் தேதி முதல் வாரம் தேதி வரை நான்கு நாட்கள் பக்தர்கள் மலையேறி சாமி தரிசனம் செய்ய வனத்துறை மற்றும் கோவில் நிர்வாகம் அனுமதி அளித்துள்ளது.
மேலும் கோவிலுக்கு செல்லும் பக்தர்கள் இரவில் மலைப்பகுதியில் தங்க அனுமதி கிடையாது, எளிதில் தீப்பற்றக்கூடிய பொருட்கள் மற்றும் பிளாஸ்டிக் பொருட்கள் தடை செய்யப்பட்ட பொருட்களை எடுத்துச் செல்லக்கூடாது, நீரோடைகளில் குளிக்க கூடாது, தரிசனம் முடிந்தவுடன் தானிப்பாறை அடிவார பகுதிக்கு வந்து விட வேண்டும், மழை பெய்தால் அனுமதி ரத்து செய்யப்படும் என வனத்துறையினர் பல்வேறு கட்டுப்பாடுகளை விதித்துள்ளனர்.
மேலும் பக்தர்கள் கோவிலுக்குள் அனுமதிக்கப்படுவதற்கு முன்பு வனத்துறையினரின் தீவிர சோதனைக்கு பிறகே அனுமதிக்கப்படுவர் என்பது குறிப்பிடத்தக்கது. தற்போது பிரதோஷம் மற்றும் கார்த்திகை பௌர்ணமி வழிபாட்டிற்கான ஏற்பாடுகளை கோவை நிர்வாகத்தினர் செய்து வருவது குறிப்பிடத்தக்கது.
Leave your comments here...