தீபாவளி பண்டிகை… உள்ளூர் வியாபாரிகளுக்கு நாம் ஆதரவு தர வேண்டும் – பிரதமர் மோடி

தீபாவளி பண்டிகை… உள்ளூர் வியாபாரிகளுக்கு நாம் ஆதரவு தர வேண்டும் – பிரதமர் மோடி

பண்டிகைகளின் இந்தக் காலத்திலே நாமனைவரும் தற்சார்பு பாரதம் என்ற இந்த இயக்கத்தை மேலும் பலமடையச் செய்வோம்.  நாம் உள்ளூர் பொருட்களுக்குக் குரல் கொடுப்போம் மந்திரத்தோடு நமது கொள்முதலை இணைப்போம். இந்தியா தற்சார்புடன் செயல்பட்டு அனைத்து துறைகளிலும் அற்புதம் நிகழ்த்தி வருவதாக பிரதமர் மோடி தெரிவித்துள்ளார்.

ரேடியோ வாயிலாக பிரதமரின் மான்கிபாத் நிகழ்ச்சி கடந்த 2014-ம் ஆண்டு அக்.03ம் தேதி துவக்கப்பட்டது. இதையடுத்து ஒவ்வொரு மாதம் கடைசி ஞாயிற்றுக்கிழமை ‛மான்கி பாத்’ நிகழ்ச்சி மூலம் பிரதமர் மோடி மக்களுடன் உரையாடி வருகிறார்.

பிரதமர் மோடி உலகளாவிய ஒரு தலைவராக உள்ளார். அவரது பணியை சர்வதேச நாடுகள் பாராட்டுகின்றன. இதையடுத்து 2-வது முறையாக பா.ஜ. ஆட்சிக்கு வந்த பின்னரும் இந்நிகழ்ச்சியில் சமூக மற்றும் மக்கள் நலன் சார்ந்த பல்வேறு விவகாரங்கள் குறித்து அவர் பேசி வருகிறார்.

கடந்த 2023-ம் ஆண்டு மார்ச் மாதம் பிரதமர் மோடியின் 100-வது மன் கி பாத் நிகழ்ச்சி ஏப்.30-ம்தேதி உலகம் முழுதும் ஒலிபரப்பு செய்யப்பட்டது . இந்நிலையில் 3-வது முறையாக பா.ஜ., ஆட்சி வந்த நிலையில் இடைவிடாமல் தொடர்ந்து ஒலிபரப்பாகி 10 ஆண்டை நிறைவு செய்து சாதனை படைத்துள்ளது. இன்று (அக்.27) 114 வது மான்கி பாத் நிகழ்ச்சி ஒலிபரப்பாகிறது. இதில் கடந்த 10 ஆண்டுகளில் நாட்டின் வளர்ச்சி, உள்ளிட்ட பல்வேறு விஷயங்கள் குறித்து பிரதமர் மோடி மக்களுடன் கலந்துரையாட

அந்த வகையில் இன்று நடைபெற்ற மனதின் குரல் நிகழ்ச்சியில் அவர் பேசியதாவது;- க இந்தியாவில் அதிநவீன தொழில்நுட்பங்களை நம்மால் உருவாக்க முடியும் என்று யாராவது கூறியிருந்தால் பலர் அதை நம்பியிருக்க மாட்டார்கள். அப்படி சொல்பவர்களை கேலி செய்திருப்பார்கள்.

ஆனால் அவ்வாறு கேலி செய்தவர்கள் இன்று இந்தியாவின் வெற்றியைக் கண்டு ஆச்சரியமடைந்திருக்கிறார்கள். இந்தியா இன்று தற்சார்புடன் செயல்பட்டு அனைத்து துறைகளிலும் அற்புதம் நிகழ்த்தி வருகிறது. தற்சார்பு இந்தியா என்பது தற்போது மிகப்பெரிய இயக்கமாக மாறி இருக்கிறது

லடாக்கில் உள்ள ஹான்லே பகுதியில் இந்த மாதம் ஆசியாவின் மிகப்பெரிய தொலைநோக்கியை(MACE) திறந்து வைத்தோம். அந்த தொலைநோக்கி தரைமட்டத்தில் இருந்து சுமார் 4,300 மீட்டர் உயரத்தில் அமைந்துள்ளது. அங்கு வெப்பநிலை மைனஸ் 30 டிகிரிக்கும் கீழ் இருக்கும். ஆக்சிஜன் கூட அங்கு குறைவாக இருக்கும். ஆசியாவில் வேறு எந்த நாடும் செய்யாத சாதனையை நமது விஞ்ஞானிகள் நிகழ்த்திக் காட்டியிருக்கிறார்கள்.

தீபாவளி பண்டிகை நெருங்கி வரும் சூழலில் உள்ளூர் வியாபாரிகளுக்கு நாம் ஆதரவு தர வேண்டும். நமது நாட்டை தற்சார்பு கொண்ட நாடாக மட்டுமின்றி, சர்வதேச அளவில் புதுமைகளின் உறைவிடமாக மாற்ற வேண்டியது நமது கடமையாகும்.”இவ்வாறு பிரதமர் மோடி தெரிவித்தார்