மதுபான கொள்கை ஊழல்…. மீண்டும் சிக்கலில் அரவிந்த் கேஜ்ரிவால் – நேற்று வழங்கிய ஜாமீன் இன்று நிறுத்தி வைப்பு…!

மதுபான கொள்கை ஊழல்…. மீண்டும் சிக்கலில் அரவிந்த் கேஜ்ரிவால் – நேற்று வழங்கிய ஜாமீன் இன்று நிறுத்தி வைப்பு…!

மதுபான கொள்கை ஊழல் வழக்கில் சிறை சென்ற டெல்லி முதல்வர் அரவிந்த் கேஜ்ரிவாலுக்கு டெல்லி நீதிமன்றம் நேற்று ஜாமீன் வழங்கியது. இந்நிலையில், இந்த ஜாமீனை நிறுத்தி வைத்து டெல்லி உயர் நீதிமன்றம் இன்று (வெள்ளிக்கிழமை) உத்தரவிட்டுள்ளது.

மதுபான கொள்கை ஊழல் வழக்கில், டெல்லி முதல்வர் அரவிந்த் கேஜ்ரிவால், அமலாக்கத் துறையால் கைது செய்யப்பட்டு டெல்லி திகார் சிறையில் அடைக்கப்பட்டார். தேர்தலின் போது பிரச்சாரம் மேற்கொள்ளும் வகையில் அவருக்கு இடைக்கால ஜாமீன் வழங்கப்பட்டது. அது முடிந்த நிலையில் அவர் மீண்டும் சிறை சென்றார்.

இந்நிலையில், அரவிந்த் கேஜ்ரிவாலின் ஜாமீன் மனு டெல்லி நீதிமன்றத்தில் நேற்று (வியாழக்கிழமை) விசாரணைக்கு வந்தது. அவர் தரப்பு வழக்கறிஞர் இதில் வாதிட்டார். இதையடுத்து அரவிந்த் கேஜ்ரிவாலுக்கு டெல்லி நீதிமன்றம் நேற்று இரவு 8 மணிக்கு ஜாமீன் வழங்கியது.