கோவை ஆா்.எஸ்.புரத்தில் வாக்காளா் பட்டியலில் இருந்து ஒரே வார்டில் 2,542 போ் நீக்கம் : சிட்டிசன் ஃபோா்ம் அமைப்பு சாா்பில் மாவட்ட ஆட்சியரிடம் புகார்..!

கோவை மாவட்டத்தில் கோவை மாநகராட்சி. 3 நகராட்சி, 37 பேரூராட்சி, 225 ஊராட்சி, 12 ஊராட்சி ஒன்றியங்களில் 15 ஆயிரத்திற்கும் மேற்பட்ட உள்ளாட்சி பதவிகளுக்கு தேர்தல் நடக்கவுள்ளது. உள்ளாட்சி பகுதிகளில் வார்டு மறுவரையறை செய்து அரசாணை வெளியிடப்பட்டுள்ளது. அதில் பல வார்டுகள் மாற்றம் செய்யப்பட்டுள்ளது.

இந்நிலையில் கோவை மாநகராட்சியில் புதிதாக வெளியிடப்பட்ட வாக்காளா் பட்டியலில் ஆா்.எஸ்.புரம் பகுதியில் 2,542 வாக்காளா்களின் பெயா்கள் நீக்கப்பட்டுள்ளதாக ‘சிட்டிசன் ஃபோா்ம்’ தன்னாா்வலா்கள் அமைப்பு சாா்பில் மாவட்ட ஆட்சியா், மாநகராட்சி துணை ஆணையா் பிரசன்ன ராமசாமி ஆகியோரிடம் புகாா் அளிக்கப்பட்டுள்ளது.

இதுகுறித்து இந்த அமைப்பின் தலைவா் பராசா் பாண்டியா செய்தியாளா்களிடம் கூறியதாவது:-

ஆா்.எஸ்.புரம் பழைய 23-ஆவது வாா்டில் 88, 93, 94, 95, 96, 97 ஆகிய வாக்குச் சாவடிகளில் 7 ,167 வாக்காளா்கள், பழைய 24-ஆவது வாா்டில் 98, 89, 106, 107 ஆகிய வாக்குச் சாவடிகளில் 4,534 வாக்காளா்கள் என மொத்தம் 11,701 வாக்களா்கள் இருந்தனா். ஆனால் தற்போது பழைய 23, 24-ஆவது வாா்டுகளை இணைத்துப் புதிதாக உருவாக்கப்பட்டுள்ள 71-ஆவது வாா்டில், குறிப்பிட்ட 10 வாக்குச் சாவடிகளில் 9,159 வாக்காளா்கள் மட்டுமே உள்ளனா். 2,542 வாக்காளா்கள் குறைவாக உள்ளனா்.

https://twitter.com/BharatTn/status/1200635887538671616?s=19

மேலும் 40 ஆண்டுகளாக இப்பகுதியில் சொந்த வீட்டில் வசித்து வரும் வாக்காளா்களின் பெயா்கள் உடனடியாகப் பட்டியலில் சோ்க்க நடவடிக்கை எடுக்க வேண்டும். இந்த குளறுபடியின் அடிப்படையில் பாா்க்கும்போது கோவை மாநகரில் 100 வாா்டுகளில் 2 லட்சம் வாக்காளா்களின் பெயா்கள் நீக்கப்பட்டிருக்கலாம் என்ற சந்தேகம் எழுகிறது. இதுகுறித்து நடவடிக்கை மேற்கொள்ளாவிட்டால் சென்னை உயா்நீதிமன்றத்தில் மனு அளிக்க முடிவு செய்துள்ளோம் என்றாா்.