ஜம்மு – காஷ்மீரில் என்.ஐ.ஏ., அதிகாரிகள் அதிரடி சோதனை

ஜம்மு – காஷ்மீரில் என்.ஐ.ஏ., அதிகாரிகள் அதிரடி சோதனை

ஜம்மு – காஷ்மீரில் தடை செய்யப்பட்ட ஜமாத்- – இ – -இஸ்லாமி அமைப்புடன் தொடர்பு உடையோர் வீடுகள், அலுவலகங்கள் உள்ளிட்ட 56க்கும் மேற்பட்ட இடங்களில் என்.ஐ.ஏ., எனப்படும் தேசிய புலனாய்வு அமைப்பினர் சோதனை நடத்தி வருகின்றனர்.

ஜம்மு – காஷ்மீரில் பயங்கரவாத அமைப்பினருடன் நெருங்கிய தொடர்பில் இருப்பது மற்றும் பிரிவினைவாதத்திற்கு ஆதரவாக செயல்படுவது உள்ளிட்ட குற்றச்சாட்டுகளின் அடிப்படையில், ஜமாத்- இ -இஸ்லாமி என்ற அமைப்பு ஐந்து ஆண்டுகள் தடை செய்யப்பட்டது. சட்டவிரோத நடவடிக்கைகள் தடுப்பு சட்டத்தின் கீழ் மத்திய உள்துறை அமைச்சகம் இதற்கான உத்தரவை பிறப்பித்தது.

இதையடுத்து ஜம்மு – காஷ்மீர் முழுதும், இந்த அமைப்பில் இணைந்து செயல்பட்ட நுாற்றுக்கணக்கானோர் கைதாயினர். இந்நிலையில் ஜம்மு பிராந்தியத்தில் உள்ள ரம்பன், கிஷ்த்வார், தோடா மற்றும் ரஜோரி உள்ளிட்ட மாவட்டங்களில் 56க்கும் மேற்பட்ட இடங்களில் என்.ஐ.ஏ., அமைப்பினர் நேற்று சோதனை நடத்தினர்.

‘டிஜிட்டல்’ சாதனம்ஜமாத்- இ – இஸ்லாமி அமைப்புடன் தொடர்பு உடையோர் வீடுகள் மற்றும் அலுவலகங்களில் இந்த சோதனை துவங்கி தொடர்ந்து நடக்கிறது.சோதனையில் பயங்கரவாதிகளுக்கு நிதி உதவி செய்தது தொடர்பான பல்வேறு ஆவணங்கள் மற்றும் ‘டிஜிட்டல்’ சாதனங்கள் கைப்பற்றப்பட்டு உள்ளதாக அதிகாரிகள் தெரிவித்து உள்ளனர்