உலகத் தலைவர்கள் பட்டியல் கருத்துக்கணிப்பு – மீண்டும் முதல் இடம்பிடித்தார் பிரதமர் மோடி

உலகத் தலைவர்கள் பட்டியல் கருத்துக்கணிப்பு – மீண்டும் முதல் இடம்பிடித்தார் பிரதமர் மோடி

உலகின் ஒப்புதல் மதிப்பீட்டின் தலைவருக்கான புள்ளிகளில் பிரதமர் நரேந்திர மோடி முதல் இடத்திலேயே இருப்பதாக தெரிவிக்கப்பட்டுள்ளது

அமெரிக்காவில் உள்ள தர உளவு நிறுவனம் ‘மார்னிங் கன்சல்ட்’ உலகத்தலைவர்களின் செல்வாக்கு எப்படி இருக்கிறது என்பது பற்றி ஒரு கருத்துக்கணிப்பை நடத்தி தர வரிசைப்பட்டியலை வெளியிட்டு உள்ளது.

அமெரிக்கா, ரஷ்யா, பிரான்ஸ் ஜெர்மனி, பிரேசில், இத்தாலி பிரிட்டன், இந்தியா, தென் கொரியா, ஆஸ்திரேலியா, மெக்சிகோ, கனடா, ஜப்பான், ஸ்பெயின் ஆகிய 14 நாடுகளின் தலைவர்கள் குறித்து அந்தந்த நாடுகளின் எடுக்கப்பட்ட கருத்துக் கணிப்புகளின் அடிப்படையில் இந்த ஆண்டிற்கான புள்ளி விவரம் வெளியிடப்பட்டுள்ளது.

அதில், உலகளாவிய பிரபலங்களை பின்னுக்குத் தள்ளிவிட்டு இந்த பட்டியலில் முதல் இடத்தைப் பிடித்திருப்பவர் பிரதமர் மோடி. இவர் 66 சதவீத ஆதரவைப் பெற்றிருக்கிறார். கொரோனாவின் 2-வது அலையை சரிவர கையாளவில்லை என்று கூறி அவருடைய செல்வாக்கு குறைந்து விட்டது என எதிர்க்கட்சியினர் குறை கூறினாலும் அவர் செல்வாக்கு உலகளவில் கொடி கட்டிப்பறக்கிறது என்பதையே இது காட்டுகிறது.

அவரை தொடர்ந்து இத்தாலி பிரதமர் மரியோ டிராகி 65 சதவீதத்துடன் 2வது இடத்திலும், மெக்சிகோ அதிபர் ஆண்ட்ரேஸ் மேனுவல் லோபஸ் ஓபரடார் 63 சதவீதத்துடன் மூன்றாம் இடத்திலும் உள்ளார்.பிரதமர் போரிஸ் ஜான்சன் 4வது இடத்தில் ஆஸ்திரேலிய பிரதமர் ஸ்காட் மோரீசன் 54 சதவீதத்துடனும், ஜெர்மனி பிரதமர் ஏஞ்சலா மெர்க்கல் மற்றும் அமெரிக்க ஜனாதிபதி ஜோ பைடன் தலா 53 சதவீதத்துடன் 5ம் இடத்திலும் உள்ளனர். 6ம் இடத்தில் கனடா பிரதமர் ஜஸ்டின் ட்ரூடோ 48 சதவீதத்துடனும், இங்கிலாந்து பிரதமர் போரிஸ் ஜான்சன் 44 சதவீதத்துடன் ஏழாம் இடத்திலும், தென் கொரிய அதிபர் மூன் ஜே இன் 37 சதவீதத்துடன் எட்டாம் இடத்திலும், ஸ்பெயின் பிரதமர் பெட்ரோ சான் சேஸ் 36 சதவீதத்துடன் ஒன்பதாம் இடத்திலும், பிரேசில் அதிபர் ஜெயிர் போல்சனரோ 35 சதவீதத்துடன் பத்தாம் இடத்திலும் உள்ளார்